أنا فخور إن هذي الفكرة اللي بدأت من جيلي جيل زد اللي بدأت من اليوتيوب ثم أصبحت لعبة والآن نشوفها فيلم طويل. فكرة مميزة ومعقدة وخارجة عن المألوف ولها قواعدها وقوانينها، بدأت بشكل بسيط إعتمادًا على دخولك للمكان عن طريق الخطأ ياخذك الفضول لإستكشافه وتجد نفسك تائه في وسط هذي المتاهة بشعور الضياع وكآبة اللون الموحد والممرات الطويلة والإضاءة ومشاعر التوتر. توسعت الفكرة لوجود المخلوقات اللي تطاردك والأماكن المختلفة، وهي طبعًا قابلة للتوسع بشكل لا نهائي، وممكن يكون لها مستقبل تتطور اكثر. لكن التنفيذ في هذا الفيلم كان سيء نوعاً ما، تمنيت بما إن هذا أول فيلم طويل تمنيت إنه يكون بشكل مبسط ويعتمد على المتاهة والمطاردة ويتركون التوسع للأفلام الجاية. أتمنى يعطون الفكرة فرصة ثانية، يسوونها بشكل أفضل ويحبكونها أفضل من كذا ويعتمدون على أساس الباكرومز (المتاهة + المطاردة).
دخلته وأنا متحمس أشوف كيف بيحوّلون فكرة الـBackrooms من مقاطع الإنترنت إلى فيلم كامل، وبصراحة التجربة كانت أفضل مما توقعت. الجو هو أكثر شيء شدني؛ الإحساس بالضياع والغرابة موجود طول الوقت، وكل ما طال الفيلم زاد شعوري إن فيه شيء غلط. ما اعتمد على الرعب المباشر طول الوقت، وهذا أعجبني، لكن فيه لحظات حسيت فيها إن الإيقاع يهدأ أكثر من اللازم. بشكل عام تجربة مختلفة، وفيها أجواء علقت معي بعد النهاية. ⭐ التقييم: 9.1 / 10